МУЗЕЙ
ГICТОРЫI
МАГIЛЁВА

БеларускiРусскийEnglish

Пра музей
Ратуша
Мемарыяльны комплекс “Буйніцкае поле”
Выставачная зала
Гісторыя Магілёва
Старыя фотаздымкі
Выкуп каштоўнасцяў
Прайс-ліст
Нашы рэквiзiты

Мемарыяльны комплекс “Буйніцкае поле”

Мемарыяльны комплекс “Буйніцкае поле” быў адкрыты ў 2004 г. як філіял УК “Музей гісторыі Магілёва” на месцы абарончых баёў 1941 года. Тут у пачатку Вялікай Айчыннай вайны з 10 па 26 ліпеня гераічна змагаліся воіны 388-га стралковага, 340-га артылерыйскага палкоў і магілёўскае народнае апалчэнне, не дазволіўшы праціўніку сходу авалодаць горадам. Гэтыя падзеі атрымалі шырокі розгалас дзякуючы пісьменніку Канстанціну Сіманаву, які разам з фотакарэспандэнтам Паўлам Трошкіным 14 ліпеня 1941 года ў разгар баёў знаходзіўся пад Магілёвам. Героі Магілёўскай абароны паслужылі прататыпамі герояў трылогіі Канстанціна Сіманава “Жывыя і мёртвыя”. На гэты час у склад Мемарыяльнага комплекса ўваходзяць: мемарыяльная капліца, мармуровы знак, прысвечаны воінам 388-га стралковага, 340-га артылерыйскага палкоў і народным апалчэнцам; абеліск на брацкай магіле воінаў 388-га стралковага, 340-га артылерыйскага палкоў і народных апалчэнцаў, што загінулі ў баях з нямецка-фашысцкімі захопнікамі 12-13 ліпеня 1941 г. (Буйніцкае поле, чыгуначны пераезд); абеліск на магіле невядомага чырвонаармейца 172-й дывізіі, які загінуў падчас абароны Магілёва (раён аўтарамонтнага завода); узоры баявой тэхнікі: нямецкі танк Т-3, савецкі танк ІС-2, зенітная ўстаноўка КС-19, 5 гармат; мемарыяльны знак, прысвечаны памяці Канстанціна Сіманава.

У выставачнай зале павільёна працуе пастаянная экспазіцыя “Магілёў 1941-га: дні і ночы мужнасці”.

Па рашэнні Магілёўскага гарвыканкама №2-11 ад 20.01.2009 г. МК “Буйніцкае поле” пераведзены на сезонную работу (комплекс адкрыты для наведвальнікаў з 1 красавіка да 31 кастрычніка).

Фотография Фотография Фотография Фотография Фотография
Фотография Фотография Фотография Фотография Фотография
Фотография Фотография Фотография
© 2016. Усе правы абаронены. УК "Музей гiсторыi Магiлёва"
212030 г. Магiлёў, вул. Ленiнская, 1А
Тэл.: +375 (222) 24-50-11
E-mail: ratusha.mogilev@gmail.com